ما يهمك مين يضمك

مايهمك مين يضمك

تمشي على البحر..
وأنا الربان ... أناديك

ما يهمك .. أن الموج يعاديك
تمشي.. ولا يهمك
أخاف الموج .. يضمك

تمشي ..
وتشوف سراب الورد
ما هو .. ورد

خدك ..
رسم لعينك ..

طيف و برد
تجمع حولها..
المرجان ..
وأصداف من الخلجان
والنورس يحوم عليها..
خجلان
وسحابه تسحر سرابك
وأنا عليك..وجلان

تمشي ..
ولا فكرت.. تلتفت لشواطئ
القمر بمده وجزره ..
طويته بالخواطئ
غرورك .. غّر ..الغروب
ما له على البحر مواطئ
تمشي ..
وتيار الهواء حيران ..
يهزك
ولا البحر عليك غيران..
يغازل خطوا تك ..
  يمشي معاكِ على الأرض    
وين يوديكِ
أناديك..
وابتعد عنك
كل ما أناديك
طيري حمل صوتِ..
آه ..

لو يعديك
لو روحت ..
من غيري بيفديك